Орчин үеийн бизнесийн орчинд байгууллага бүр зөвхөн ашиг орлогоо нэмэгдүүлэх бус, өөрийн үйл ажиллагаанд хамаарах бүх хууль, дүрэм журам, стандартуудыг мөрдөх шаардлагатай тулгарч байна. Энэ нь зөвхөн хууль эрх зүйн эрсдэлийг бууруулаад зогсохгүй, байгууллагын нэр хүнд, хэрэглэгчийн итгэлийг хадгалах чухал үндэс болдог.
Комплаенсийн хүрээнд мөрдөх шаардлагууд
Байгууллагын чиглэл, үйл ажиллагааны онцлогоос хамааран дараах түвшний шаардлагууд гарч ирдэг:
- Xууль, тогтоомж – Татварын хууль, хөдөлмөрийн хууль, байгаль орчны хууль гэх мэт;
- Салбарын дүрэм журам – Санхүүгийн байгууллагад Санхүүгийн зохицуулах хорооны журам, уул уурхайд байгаль орчны хяналтын журам, эрүүл мэндийн салбарт эрүүл ахуйн шаардлага гэх мэт;
- Олон улсын стандарт – ISO, IFC, OECD зэрэг олон улсын хэмжээнд хүлээн зөвшөөрөгдсөн стандартууд;
- Дотоод бодлого, журам – Хөдөлмөрийн дотоод журам, ёс зүйн дүрэм, авлигын эсрэг бодлого, аюулгүй ажиллагааны журам зэрэг байгууллагын өөрийн дотоод зохицуулалт;
Яагаад комплаенсийн менежмент хэрэгтэй вэ?
- Эрсдэлийг бууруулах – Зөрчил гаргаснаар үүсэх торгууль, эрх хасалт, нэр хүндийн эрсдэлээс сэргийлнэ;
- Итгэлцэл бий болгох – Хэрэглэгч, хөрөнгө оруулагч, түншүүдийн итгэлийг хадгална;
- Олон улсын боломжууд – Дүрэм журмын биелэлтийг хангаж чаддаг байгууллагууд гадаадын зах зээлд өрсөлдөх давуу талтай;
- Дотоод соёл төлөвшүүлэх – Ажилтнуудын хариуцлага, ёс зүйг дээшлүүлж, нэгдсэн үнэт зүйл бий болгодог;
Комплаенсийн хэрэгжилтийг хангах алхамууд
- Эрсдэлийн үнэлгээ: Байгууллагад тулгарч болзошгүй хууль эрх зүйн болон ёс зүйн эрсдэлийг тогтмол тодорхойлох;
- Бодлого боловсруулах: Хууль, стандарттай нийцүүлсэн дотоод дүрэм, журам, зааварчилгаа боловсруулж хэрэгжилтийг хангах;
- Сургалт, мэдлэг олгох: Бүх түвшний ажилтнуудад сургалт, хөгжлийн үйл ажиллагааг тогтмол хэрэгжүүлэх;
- Хяналт, аудит хийх: Гүйцэтгэлийг тогтмол хянаж, илэрсэн зөрчлийг арилгах, зөрчил үүсэхээс урьдчилан сэргийлэх;
- Сайжруулалт: Хэрэгжилтийг тасралтгүй сайжруулж, шинэчлэлтүүдийг нэвтрүүлэх;
Компаенсийн менежмент гэдэг нь зөвхөн нэг ISO стандартад нийцэх тухай ойлголт биш. Харин байгууллага бүр өөрийн салбар, орчин нөхцлөөс хамаарч мөрдөх шаардлагатай хууль, дүрэм, журам, олон улсын болон дотоод стандартыг цогцоор нь хэрэгжүүлэх, хянах систем юм.
Энэ тогтолцоог амжилттай хэрэгжүүлснээр байгууллага зөвхөн эрсдэлээс хамгаалаад зогсохгүй, тогтвортой хөгжил, олон улсын хамтын ажиллагаанд нээлттэй, итгэл төрүүлэхүйц байгууллага болж чадна.
Ийм цогц системийг бий болгоход зөвхөн баримт бичгийн түвшинд бус, цахимжуулсан, хяналтын автомат дижитал шийдэл хэрэгтэй болдог. Tuss.io нь байгууллагын комплаенсийн хэрэгжилтийг бодит цагийн мэдээлэл дээр суурилан хянах, хиймэл оюунд суурилсан эрсдлийн шинжилгээг хийх, ил тод, үр ашигтай болгох боломжийг танд санал болгож байна.
Tuss.io - г туршиж илүү дэлгэрэнгүй мэдээлэл авахыг хүсвэл энд дарж, уулзалт товлох эсвэл онлайн захиалга авах боломжтой.
.png)
